یبویه الدار سوده اصبحت بعداک ( من بعدک)
الزمن عادانی و انته الهدف بعــداک ( باعداک)
خل تتشمّت الحساد بعــــــــداک ( واعداک)
اون وانحب علی الراح امن ادیــــــــــــــــــه
***
یبویه الزمن والله هضمــــــنی
فرنی ابمحچاله او گطفنـــــی
اتشمت ابموتک من عرفـنی
للگبر لو بیده یزفنـــــــــی
***
یدیوان سکن بابک الیـــــــوم
لم الدلال او کثر اهمـــــــــوم
راح العجید او سید الگــــــوم
مهظومه صدقانه تجی اعلوم
***
یبویه من رحت ما شفت راحـــه
اذکرک واسچب الدمعه ابنیاحــه
الگلب مشغول ما عنده استراحه
مچبی هل گلب سکر افراحـــه
***
الابوا شمعه او مضویه او سید البیــت
الابوا خالی مچانه ابگلبی حسّیـــــت
الابوا حب او حنان او لل ابن صیـت
یا بویه بفراگک تاذّیــــــــــــــت
***
شاع الخبر و افتهمت الـــناس
شال الابوا و اتهدم الســـــاس
افراگک یبویه شیــب الراس
اتمنه اموت اویاک لاباس
***
یا بویه اخذنی اویاک لبعید
صعبه اظلّن ساکن اوحــید
حافی الجدم لاوین مترید
خادم و اخدمنک یصندید
***
بویه لو تدری اشصار بیــــه
افراگک صعب والطم بـدیه
جفانی الابوا او گلبی اباذیه
یا ریت تگرب لی المنـــیه
***
الاحباب شالو شو نسونه
بل فرگه زاید غسّلــونه
آخرهم السافر ابونــــه
من غادروا ما ودعونــه
***
الدار ظلمت و آنه سلّـــــــیت
راح العزیز الیحرص البــــیت
و ابصوت عالی اعلیک نادیت
مچانک ابگلبی آنه تمنیـــت
***
یا زمن انته الدولبتنــــــی
و ابدار ظلمه انته عفتـــنی
خذیت الابوا و انه طفتنـی
من بعده چم مره خنتـنی
***
بویه الدهر شدد احــــــــروبه
و ابغیبتک سدد ادروبــــــــه
و ابروحتک کثر اذنوبـــــــه
ایدور علی الما عنده حوبه
***
رجاء للمستفیدین من کل مطالب مدونتی ذکر اسم الشاعر ذمه فی رقابهم
جاسم محمد الجبیره الحسانی الساری
14/06/1391
:: برچسب‌ها:
نعاوی بحق الاب ,
:: بازدید از این مطلب : 3965
|
امتیاز مطلب : 6
|
تعداد امتیازدهندگان : 3
|
مجموع امتیاز : 3
عضو شوید
عضویت سریع
آمار مطالب
آمار بازدید
